एजेन्सी , १३ जेष्ठ ।
अमेरिकामा तेस्रो लिङ्गी विद्यार्थीको अधिकार विस्तार सम्बन्धी सरकारी नीतिको विरोध भएको छ । अमेरिकाका विभिन्न ११ वटा राज्यले तेस्रो लिङ्गी विद्यार्थीको अधिकार विस्तारसम्बन्धी सरकारी व्यवस्थाको विरोध गरेका हुन् ।
ह्वाइटहाउसले यसै महिना जारी गरेको निर्दे्शिकामा प्रत्येक विद्यार्थीले विद्यालयमा आफ्नो लिंग अनुसार शौचालय प्रयोग पाउनु पर्ने र सोही अनुसार व्यवस्था हुनु पर्ने निती बनाएपछि त्यासको बिरोध भएको हो ।
विसाल सामाजिक प्रयोगको नाम दिइएको सो व्यवस्थाले तेस्रो लिङ्गीको अधिकार विस्तार नभई अन्य विद्यार्थीको सुरक्षा खतरा बढाएको ती राज्यहरुको तर्क छ ।
अमेरिकी प्रशासनले सो व्यवस्था नमान्ने राज्यलाई शिक्षामा दिइदै आएको सहुलियत कटौती गर्ने चेतावनी दिएको थियो ।
तेस्रो लिङ्गीलाई समेत उनीहरुको लिङ्ग अनुसार शौचालय प्रयोग गर्न दिनाले विशेषगरी किशोरी र महिलामाथि आक्रमण हुनसक्ने भन्दै यसको विरोध भएको बीबीसीले जनाएको छ ।
