एजेन्सी १२ जेठ ।
टर्कीका राष्ट्रपति रिसेप तैयब अर्दोगानले आफ्ना नागरिकलाई यूरोप प्रवेशमा फ्रि भिसा सुविधा नदिए आप्रबासी सम्बन्धी सम्झौता फर्ता लिने चेतावनी दिनु भएको छ ।
राजधानी इस्तानबुलमा बोल्दै राष्ट्रपति अर्दोगानले युरोपेली युनियन इयुसँग भएको सम्झौता अनुसार पनि टर्कीलाई कुनै रकम नदिएको बताउनु भयो ।
गत मार्चमा टर्की र ईयूबीच आप्रबासी सम्बन्धमा महत्वपूर्ण सम्झौता भएको थियो । सम्झौता अनुसार ईयूले ६ दशमलब ७ विलियन डलरको कोष टर्कीलाई उपलब्ध गराउनु पर्ने व्यवस्था छ ।
इयूले भने टर्कीले प्रतिआतंकवाद सम्बन्धी कानुन लगायतका शर्त नमानेसम्म फ्रि भिसा दिन नसकिने बताएको छ । यूरोप प्रवेश गर्ने अत्यधिक आप्रवासीको आगमन नियन्त्रण गर्न टर्की र इयुबीच उक्त सम्झौता भएको थियो ।
सम्झौता अनुसार गत मार्च २० सम्म ग्रीस प्रवेश गरेका आप्रबासीले शरण स्वीकृतिका लागि आवेदन नदिए वा उनीहरु आप्रवासी प्रमाणित नभए उनीहरुलाई टर्की फिर्ता पठाइने छ ।
