एजेन्सी ५ वैशाख ।
ल्याटिन अमेरिकी राष्ट्र इक्वेडरमा गएको शक्तिशाली भुकम्पका कारण २८ जनाको मृत्यु भएको छ । भुकम्पपछि त्यहाँको सरकारले ६ वटा राज्यमा आपत कालिन अवस्था घोषणा गरेको छ ।
नेपाली समय अनुसार आज विहान राजधानी क्वेटोवाट १ सय ६० किलोमिटरको दुरीमा रहेको म्युस्नी शहरलाई केन्द्रविन्दु बनाएर ७ दशमलव ८ रेक्टर स्केलको शक्तिशाली भूकम्प गएको अमेरिकी भु–सर्वेक्षणलाई उद्यृत गर्दै अन्तर्राष्ट्रिय समाचार माध्यमले जनाएका छन् ।
भुकम्प पछि ३ सय किलोमिटर क्षेत्र आसपासमा सुनामीको संभावना रहकाले सचेत रहन सरकारले आग्रह गरेको छ । भुकम्पले तटीय क्षेत्रको भवन बढी प्रभावित भएका छन् ।
मान्टा शहरस्थित विमानस्थलको टावर समेत भत्किएको छ भने भुकम्पपछि त्यस क्षेत्रमा टेलिफोन सेवा अवरुद्व भएको बिबीसीले जनाएको छ ।
यता जापानमा शुक्रवार र शनिवार लगातार गएको भुकम्पका मृतयु हुनेको संख्य ४० पुगेको छ । अन्य हजारौं घाइते भएका छन् ।
