एजेन्सी, चैत्र १६
पाकिस्तानमा सरिया कानुन लागू गर्न माग गर्दै प्रदर्शनमा उत्रिएकाहरूले दर्जनौं सवारीसाधनमा आगजनी गरेका छन् । प्रदर्शन नियन्त्रणका लागि सुरक्षाकर्मीले अश्रुग्याँस प्रहार गर्दा थुप्रै प्रदर्शनकारी घाइते भएका छन् ।
राजधानी इस्लामावादमा भेला भएका प्रदर्शनकारीले पूर्वगभर्नर सलमान तासीरका हत्यारालाई दिइएको फाँसीको विरोध गर्दै पाकिस्तानमा सरिया कानुन लागू गर्नुपर्ने माग गरेका छन् । पाकिस्तानको सर्वोच्च अदालतले इसनिन्दा कानुनमा लगाएको रोकलाई बेवास्ता गर्दै गभर्नरलाई फाँसी दिइएको भन्दै गरेको प्रदर्शन हिंसात्मक बन्दै गएपछि सयौं सुुरक्षाकर्मी परिचालन गरिएको छ ।
संसद् भवन अगाडि भेला भएका प्रदर्शनकारीले सरिया कानुन लागू नभएसम्म आफूहरूको प्रदर्शन जारी रहने बताएका छन् । सन् २०११ मा सुधारवादी नेता सलमान तासीरको हत्या गरेको अभियोगमा गत महिना क्वाद्रीलाई मृत्युदण्ड दिइएको थियो ।
क्वाद्रीले इसनिन्दा कानुनको कडाईको विपक्षमा रहेको बहानामा तासीरको हत्या गरेको बताइन्छ ।
