ईस्लामावाद, ३ चैत्र ।
पाकिस्तानमा सरकारी कर्मचारी सवार एउटा बसमा विस्फोट भएको छ ।
पेशावरमा आज भएको सो विस्फोटमा कम्तीमा पनि १५ जनाको मृत्यु भएको बताइएको छ । सरकारी अधिकारीहरुका अनुसार विस्फोटबाट अन्य २५ जना घाइते भएका छन् ।
घाइतेहरुलाई स्थानीय अस्पतालमा उपचारका लागि लगिएको छ । घाइतेमध्ये केहीको अवस्था गम्भीर रहेको जनाइएको छ । अधिकारीहरुका अनुसार बस मै विस्फोटक पदार्थ राखिएको थियो ।
‘बसमै रहेको विस्फोटक पदार्थ विस्फोट भएको हो,’ एक अधिकारीले भने । यद्यपी सो विस्फोटमा कसको संलग्नता थियो भन्ने प्रष्ट भइसकेको छैन ।
सो हमलाको जिम्मेवारी अहिलेसम्म कसैले पनि लिएको छैन ।पाकिस्तानका प्रधानमन्त्री नवाज शरीफले सो घटनाको निन्दा गर्नुभएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
