फागुन १७, एजेन्सी ।
पाकिस्तानको पंजाव प्रान्तका पूर्व गभर्नर सलमान तासीरको हत्यामा संलग्न मुमताज कादरीलाई मृत्युदण्ड दिइएको छ । उनलाई आज विहान मृत्युदण्ड दिइएको रावलपींडीस्थित कारागारका अधिकारीलाई उद्यृत गर्दै बीबीसीले उल्लेख गरेको छ । कादरी पूर्व गभर्नर तासीरका अंगरक्षक थिए ।
कादरीले सन् २०११ मा ईस्लामावादस्थित एक बजारमा तासीरको गोली हानी हत्या गरेका थिए । सोही बर्षको अन्त्यमा कादरीविरुद्ध मृत्युदण्डको सजाय सुनाइएको थियो ।तासीरले ईस्लाम धर्मको बिरोध गरेको भन्दै कादरीले उनको हत्या गरेर धर्मलाई न्याय गरेको बयान अदालतसमक्ष दिएका थिए ।
कादरीलाई दिएको सजायपछि पाकिस्तानको सुरक्षा ब्यवस्था कडा पारिएको छ ।कराँची, लाहौर लगायत पाकिस्तानका विभिन्न क्षेत्रमा मुस्लिम अतिवादीले कादरीको मृत्युदण्डलाई लिएर विरोधप्रदर्शन गरेका छन् । प्रहरीले पाकिस्तानका विभिन्न स्थानवाट प्रदर्शनमा उत्रिएका सयौंलाई नियन्त्रणमा लिएको छ ।
