एजेन्सी १३ फागुन ।
संयुक्त राष्ट्रसंघले विद्रोही संगठन इस्लामिक स्टेट आईएसका लडाकुहरुको नियन्त्रणमा रहेको सिरियाको पूर्वी क्षेत्र दिर अल जोर शहरका सर्वसाधारण नागरिकका लागि राहत सामग्री र्पुयाएको छ ।
उक्त शहरमा विमानबाट २१ टन मानवीय सहायता सामग्री खसालिएको राष्ट्रसंघका सहायता प्रमुख स्टेफन ओब्राएनले जानकारी दिनुभयो । राहत सामग्री लक्षित क्षेत्रमा पुगेको बारेमा सुरक्षा परिषदलाई जानकारी आइसकेको उहाको भनाई छ ।
दिर अल जोरको सरकार नियन्त्रित क्षेत्रमा राहत सामग्री पुगेको र अब यसलाई आईएसले घेराबन्दीमा पारेका नागरिकसम्म र्पुयाइने स्थानीय अधिकारीलाई उधृत गर्दै बिबीसीले जनाएको छ ।
दिर अल जोरका दुई लाखभन्दा धेरै मानिस आईएसको घेराबन्दीमा रहेको र उनीहरु मानवीय संकटमा परेको राष्ट्रसंघले जनाएको छ ।
गतहप्ता पनि खाद्यान्न र अन्य सामग्री बोकेका लरी सिरियाका पाँचवटा शहरमा गएका थिए ।
