काठमाडौ ५ फागुन ।
पाकिस्तानको एक अदालतले आफ्नो मुलुकमा जासुसी गरेको आरोपमा एक भारतीय नागरिकलाई तीन वर्षको जेल सजाय सुनाइएको छ ।
पाकिस्तानको सैन्य अदालतले भारतीय नागरिक हमिद अन्सारीलाई जासुसी गरेको आरोपमा दोषी ठहर गर्दै तीन वर्षको जेल सजाय सुनाएको हो ।
अन्सारीलाई पाकिस्तानी सुरक्षाकर्मीको टोलीले सन् २०१२ मा अफगानिस्तानको बाटो हुँदै पाकिस्तानको कोहाट इलाका प्रवेश गर्दै गर्दा पक्राउ गरेका थिए ।
परिवारका सदस्यका अनुसार अन्सारी इन्टरनेट मार्फत भेटेका कोही पाकिस्तानी महिला साथीलाई भेट्न पाकिस्तान गएका थिए । तीन वर्षसम्म पनि स्वदेश नफर्किएपछि परिवारले खोजीको प्रयास गरेको थियो ।
पाकिस्तानको पेशावर जेलमा रहेका एक अधिकारीलाई उदृत गर्दै बीबीसीले जनाए अनुसार भारतीय नागरिक अन्सारीले जासुसीको आरोप स्वीकार गरिसकेका छन् ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
