एजेन्सी १६ माघ ।
स्वीजरल्याण्डको जेनेभा शान्ति वार्तामा सिरियाको विपक्षी समूहले पनि सहभागी हुने भएको छ । विपक्षी समुहको उच्च स्तरीय वार्ता कमिटि एचएनसीले जेनेभा वार्तामा सामेल हुने जनाएको हो ।
संयुक्त राष्ट्रसंघका पदाधिकारीले स्वीस शहरमा सिरियाको सरकारी वार्ता समितिसँग भेटवार्ता गरिसकेको छ । वार्तामा सरकारी र विपक्षी समूहका वार्ता टोली छुट्टा छुट्टै कोठामा बस्ने र ती समूहको बिचमा राष्ट्रसंघीय टोली बसेर वार्तालाई सहजिकरण गर्ने तयारी छ ।
एचएनसीले आफ्ना ३० देखि ३५ जना पदाधिकारी जेनेभा पठाउने तयारी गरेको छ । अमेरिकी विदेशमन्त्री जोन केरीले शुक्रबार एचएनसीका प्रतिनिधिलाई टेलिफोन गरेर वार्तामा सहभागी हुन आग्रह गर्नु भएको थियो ।
सिरियामा राष्ट्रपति बसर अल असदका समर्थक र बिरोधी बिच संघर्ष हुँदै आएको छ । यस्तै बिद्रोही संगठन इस्लामिक स्टेट आइएसले पनि त्यहाँ हिंसात्मक गतिविधि गर्दै आएको छ ।
