एजेन्सी ९ माघ ।
ग्रिसको इजिएन सागरमा आप्रवासी चढेको दुई ओटा डुंगा दुर्घटना हुँदा ४२ जनाको मृत्यु भएको छ ।
३४ जना आप्रवासी चढेको डुंगा कालोलिम्नोस टापु नजिक दुर्घटना भएको अनतर्राष्ट्रिय सन्चार माध्यमहरुले जनाएका छन् । जसमा ११ जना बालबालिका पनि थिए ।
यस्तै ८ जना सवार अर्को डुंगा फार्माकोनिसी टापु नजिक दुर्घटना भएको बिबीसीले जनाएको छ । विशेष गरी द्वन्द्वग्रस्त मध्यपूर्वी देशबाट समुद्रको असुरक्षित बाटो हुँदै अवैध रुपमा युरोप प्रवेश गर्ने क्रम बढेको छ ।
यस क्रममा धेरै मानिसको ज्यान जाने गरेको छ । गत वर्ष मात्र १० लाख भन्दा धेरै आप्रवासी समुद्रको बाटो भएर युरोप प्रवेश गरेका थिए । त्यसमध्ये कम्तिमा सात सय जनाको ग्रिस पुग्ने क्रममै समुद्रमा डुबेर ज्यान गएको थियो ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
