साउदी अरेबियाले शिया धर्म गुरु शेख निमर अल निमरलाई मृत्युदण्ड दिइएको विरोधमा इरानलगायत विश्वका थुप्रैं देशहरुमा बिरोध भएको छ ।
इरानको राजधानी तेहरानमा प्रदर्शनमा उत्रेका शिया समुदायका ब्यक्तिहरुले सउदी अरबको दूतावासमा गरी आगजनी गरेको अन्तराष्ट्रिय सञ्चार माध्यमहरुले जनाएका छन ।
इरान सरकारले समेत निमरको मृत्युदण्डमा साउदीले ठूलो मूल्य चुनाउनु पर्ने भन्दै रियादले आतंकवादलाई समर्थन गरेको आरोप लगाएको छ । प्रदर्शनकारीहरुले धर्म गुरुको हत्याले निम्त्याउने परिणाम स्वीकार्न सउदी सरकारलाई चेतावनी दिएका छन् ।
यसैबीच शिया धर्मगुरु आयोतुल्ला अहमद खातमीले मृत्युदण्डको घटनालाई गम्भीर अपराध भन्दै निन्दा गर्नुभएको छ । साउदी आन्तरिक मामला मन्त्रालयले आतंकवादी अपराधमा संलग्न रहेको भन्दै शेख निमरसहित ४७ जनालाई मृत्युदण्ड दिएको थियो ।
सन् २०११ मा पूर्वी प्रान्तमा चर्किएको सरकार विरोधी प्रदर्शन समर्थन गरेको आरोपमा धर्म गुरु निमरलाई मृत्युदण्ड दिइएको हो । विभिन्न १२ स्थानमा दिइएको मृत्युदण्ड पाउनेमा दुई विदेशी नागरिक पनि रहेको वीवीसीले जनाएको छ ।
