बेल्जियमको राजधानी ब्रसेल्समा आतंकवादी आक्रमणको खतरालाई ध्यानमा राख्दै यस पटक नयाँ वर्षको स्वागतका लागि कुनै कार्यक्रम आयोजना नगरिने भएको छ।
आतंकवादी आक्रमण हुन सक्ने आशंकामा नयाँ वर्षको अवसरमा आयोजना भएका सबै कार्यक्रम तथा आतिसवाजी स्थगित गरिएको बेल्जियमका सरकारी अधिकारीलाई उधृत गर्दै वीवीसीले जनाएको छ ।
आक्रमण हुन सक्ने सूचनाका आधारमा सबै कार्यक्रम रद्द गरिएको प्रधानमन्त्री चाल्र्स मिचेलले बताउनुभएको छ । केही दिन अघि स्थानीय प्रहरीले नयाँ वर्षको अवसरमा आक्रमण गर्ने योजना बनाएको आशंकामा दुई जनालाई पक्राउ गरेको थियो ।
गएको नोभेम्बर १३ मा फ्रान्सको राजधानी पेरिसमा एक सय ३० जनाको ज्यान जाने गरि भएको आतंकवादी आक्रमणपछिदेखि नै बेल्जियमले सुरक्षा सतर्कता बढाएको छ । पेरिस आक्रमणको योजना बनाउने तथा संलग्न मध्ये केही बेल्जियममा
बस्दै आएकाले सुरक्षा खतरा रहेको अधिकारीले बताएका छन् ।
