एजेन्सी २१ मंसिर ।
इराकले मोसुल शहरमा रहेका आफ्ना सेना फिर्ता लैजान टर्कीलाई ४८ घण्टे अल्टिमेटम दिएको छ । टर्कीले आफूहरुसँग सहकार्य नगरी मोसुलमा सेना खटाएको इराकी सरकारको आरोप छ ।
इराकका प्रधानमन्त्री हैदर अल अवादीले एक वक्तव्य जारी गरी ४८ घण्टा भित्र सेना फिर्ता नलगे टर्की विरुद्ध संयुक्त राष्ट्रसंघमा जाने इराकले चेतावनी दिएको हो । टर्कीको कार्यले राष्ट्रिय संप्रभुताको उल्लंघन भएको इराकले जनाएको छ ।
उता टर्कीले भने मोसुलमा आफ्ना सेना पूर्व सहमति अनुसार नै रहेको बताएको छ । मोसुल शहर गत वर्षबाट बिद्रोही संगठन इस्लामिक स्टेट आइएसको नियन्त्रणमा छ ।
टर्किस सेनाले मोसुलमा रहेका कुर्द समुदायलाई सहयोग गर्दै आएको छ । इराकी सेनाले मोसुल शहरबाट आइएसलाई हटाउने प्रयास गरिरहेको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
