काठमाडौं, १३ मंसिर ।
रुसले टर्कीमाथि आर्थिक प्रतिबन्ध लगाउने घोषणा गरेको छ । आफ्नो लडाकु विमान टर्कीले खसालेपछि त्यसको जवाफमा रुसले उसमाथि आर्थिक प्रतिबन्ध लगाउने निर्णय गरेका वीवीसीले जनाएको छ ।
रुसी राष्ट्रपति भ्लादिमिर पुटिनले टर्कीमाथि आर्थिक प्रतिबन्ध लगाउने प्रस्तावमा हस्ताक्षेर गर्नु भएको हो । अब रुसमा टर्कीबाट कुनै पनि सामानको आयातमा प्रतिबन्ध लागेको छ । ुई देशबिच चार्टर उडानमा पनि प्रतिबन्ध लगाइएको छ । अहिले रुसमा झण्डै ९० हजार टर्कीका नागरिक काम गरिरहेका छन् ।
यसअघि शुक्रबार रुसले टर्कीसँग रहँदै आएको भिसा नचाहिने व्यवस्था पनि रद्द गरेको थियो । टर्कीका राष्ट्रपति तायिप एर्दोगानले रुसी विमान खसालेकोमा दुःख व्यक्त गर्नु भएको छ ।
रुसबाट खाद्यय सामग्री खरिद गर्ने गरेको प्रतिबन्धको असर टर्कीमा मात्र नभएर रुसमा पनि पर्ने अन्तराष्ट्रिय सञ्चारमाद्यमहरुले जनाएका छन ।
