बेल्जियमका प्रधानमन्त्री चार्ल्स मिचेलले पेरिसमा भए जस्तै आक्रमणको चेतावनी आएको बताएका छन ।चेतावनीपछि ब्रसेल्समा सुरक्षा सर्तकता उच्च पारिएको छ ।

चेतावनीपछि ब्रसेल्सको केन्द्र भाग पूर्णरुपमा बन्द भएको छ भने अरु ठाउँमा पनि मानिसको चलहपहल कम भएको छ ।

प्रधामन्त्री मिचेलले हतियार तथा विस्फोटक पदार्थ बोकेका धेरै आक्रमणकारीले एकसाथ आक्रमण गर्न सक्ने डर रहेको बताएका छन ।

एक ठाउँमा मात्रै नभएर ब्रसेल्सका विभिन्न स्थानमा आक्रमण गर्ने चेतावनी आएको उहाँले जानकारी दिए ।

गएको हप्ता पेरिसमा भएको आक्रमणमा एक सय ३० जनाको ज्यान गएको थियो । आक्रमणको जिम्मेवारी इस्लामिक स्टेट आइएसले लिएको थियो ।