एजेन्सी ३० काठमाडौ ।
फ्रान्सेली प्रहरीले राजधानी पेरिसमा भएको श्रृंखलावद्ध आक्रमणमा संलग्न एक व्यक्तिको फोटो सार्वजनिक गरेको छ । जसमा बेल्जियमका २६ वर्षीय अब्देसलाह सलाह रहेको र उनी निकै खतरनाक रहेको प्रहरीले दावी गरेको छ ।
सलाहबारे सूचना दिन आग्रह गर्दै प्रहरीले उनको निकट नजान आम सर्वसाधारणलाई अपील पनि गरेको छ । पेरिस घटनामा मारिएका सात बन्दुकधारीमध्ये दुई जना बेल्जियममा रहेका व्यक्ति रहेको स्थानीय अधिकारीलाई उधृत गर्दै बिबीसीले जनाएको छ ।
गृहमन्त्री बैर्ना कासेनेवले बेल्जियममा रहेका केही व्यक्तिले पेरिस आक्रमणको योजना बनाएको र फ्रान्समा रहेका केहीले सघाएको दाबी गर्नु भएको छ ।
सलाहका तीन भाईमध्ये एक घटनामा मारिएको र अर्का बेल्जियममा पक्राउ परेको बताइएको छ । शुक्रबार राति आईएसले पेरिसको कन्सर्ट हल, राष्ट्रिय रंगशाला, रेस्टुराँ र बारमा गरि ६ ठाउँमा आक्रमण गरेको थियो ।
जसमा एक सय २९ जना मारिएको पुष्टी भएको छ भने थुप्रै मानिस घाइते भएका छन् ।
