कार्तिक २७, लण्डन ।
भारतले नेपालमा लगाइरहेको अघोषित नाकाबन्दीको विरोधमा बेलायतस्थित नेपालीहरुले विशाल विरोध प्रदर्शन गरे ।
नाकान्दीका कारण नेपालमा मानविय संकट उत्पन्न भएको भन्दै तीन दिने बेलायत भ्रमणका लागी लन्डन उत्रिएकै दिन प्रधानमन्त्री मोदीविरुद्ध प्रदर्शन गरेका थिए ।
सो शान्तिपूर्ण आन्दोलनमा सयौं सहभागी भए । बेलायती प्रधानमन्त्री कार्यालय टेन डाउनिंग स्ट्रिट अगाडि मध्यान्ह १२ बजे देखि प्रदर्शन सुरु भयो ।
बेलायतका विभिन्न सहरबाट स्वतस्फूर्त ओइरिएका प्रदर्शनकारीले मोदी र भारतको विरोध गर्दै लेखिएका नारा अंकित ब्यानर र प्लेकार्ड बोकेर प्रदर्शन गरे । उनीहरुलाई भारतीय सिख समुदायले समेत साथ दिएका थिए । प्रदर्शनका कारण बेलायती संसद र प्रधानमन्त्री कार्यालय पुरै अस्तव्यस्त थियो भने सुरक्षा व्यवस्था अत्यन्त कडा तुल्याइएको थियो ।
भिडियो हेर्न तल क्लिक गर्नुहोस् ।
