एजेन्सी २० कार्तिक ।
भारतका कथित ‘अन्डरवर्ल्ड डन’ छोटा राजनलाई भारत ल्याइएको छ । इन्डोनेसियाको बालीमा पक्राउ परेका उनलाई विशेष विमानबाट आज बिहान दिल्ली ल्याइएको भारतीय अधिकारीहरुले जनाएका छन् ।
दिल्ली ल्याइएलगत्तै उनलाई प्रहरीको ‘स्पेशल सेल’ को जिम्मा लगाइएको छ । विभिन्न हत्यामा संलग्न अभियुक्त छोटा राजन बिगत २० बर्षदेखि फरार उनलाई अब अदालतमा पेश गरिने अधिकारीहरुले जनाएका छन् ।
उनीमाथि मुम्बईमा १७ जनाको हत्या गरेको र लागूऔषध कारोबारमा संलग्न रहेको आरोप लगाइएको छ । इन्टरपोल मार्फत पक्राउ परेका उनलाई कडा सुरक्षा घेराका बीच दिल्लीमा ल्याइएको भारतीय सन्चार माधयमहरुले जनाएका छन् ।
अष्ट्रेलियाली सुरक्षाकर्मीको सुराकीका आधारमा उनलाई इन्डोनेसियाली प्रहरीले पक्राउ गरेको थियो । लामो समयसम्म अष्ट्रेलियामा रहेका उनी केही दिनअघि मात्रै इन्डोनेसिया पुगेका थिए ।
