काठमाडौँ, १४ कात्तिक ।
गत असोज १७ गते मृत फेला परेकी ललितपुर ठूला दुर्लुङ गाविस–८ की १९ वर्षीया सरिता तिमिल्सिनाको आत्महत्या नभई हत्या गरिएको भन्दै आफन्तले निष्पक्ष छानबिन गरी दोषीमाथि कारबाही गर्न माग गरेका छन ।
सोही गाविसका उपेन्द्र घिमिरेसँग ६ महिनाअघि प्रेम विवाह गरेकी सरितालाई उनको घरपरिवारको मिलेमतोमा हत्या गरी आत्महत्याको बहाना बनाएको आरोप आफन्तले लगाएका छन ।
बारम्बार किटानी जाहेरी दिँदासमेत प्रहरीले विभिन्न बहाना बनाएर जाहेरी लिन आलटाल गर्दै आएको मृत्तक सरीताका दाई बिश्वराम तिमिल्सेनाले बताउनुभयो । मृतक सरिताको शव यही असोज १७ गते घरमुनिको कटुसको हाँगामा शंरीरका बिभिन्न भाग पोलिएको अबस्थामा झुन्डिएको फेला परेको थियो।
न्यायका लागि राष्ट्रिय मानवअधिकार आयोग र राष्ट्रिय महिला आयोगमा उजुरी दिँदासमेत अहिलेसम्म कुनै सुनुवाइ नभएको मृतकका आफन्तको गुनासो छ ।
सरीताका पोइली पक्षले माइती पक्षलाई जानकारी नै नदिइ शिक्षण अस्पतालमा राखिएको शबको अन्तिम संस्कार गरेको भन्दै आक्रोश पोखेका छन । उनीहरुले छिटो भन्दा छिटो न्याय दिलाई दिन मानप अधिकार लगायत बिभिन्न संघ संस्थालाई आग्रह गरेका छन ।
यो पनि पढ्नुहोस्
सरीताको हत्या या आत्महत्या ,घटना झन रहस्यमय बन्दै
