चिनियाँ कम्युनिस्ट पार्टीका स्थायी समिति सदस्य लिङ युनसाङ नेतृत्वको एक प्रतिनिधिमण्डल उत्तर कोरिया जाने भएको उक्त पार्टीले जनाएको छ ।

उत्तर कोरियाको वर्कर्स पार्टी स्थापना भएको ७० औँ वर्ष पुगेको अवसरमा आयोजना गरिने समारोहमा सहभागी हुन तथा चीन र उत्तर कोरियाबीच रहँदै आएको द्विपक्षीय राजनीतिक तथा कूटनैतिक सम्बन्धलाई आगामी दिनमा अझ प्रगाढ बनाउन पहल गर्ने जनाइएको छ ।

चिनियाँ कम्युनिस्ट पार्टीको अन्तर्राष्ट्रिय विभागले युनसाङ नेतृत्वको प्रतिनिधिमण्डललाई कोरिया पठाउने घोषणा आइतबार गरेको हो ।