कायरो, १५ असोज ।
साउदी अरेबियामा हज गर्ने क्रममा मारिएका तीर्थयात्रीमध्ये १२२ जना इजिप्टका नागरिक रहेका अधिकारीहरुले जनाएका छन् ।
इजिप्टको विदेश मन्त्रालयले बिहीबार सो जानकारी दिएको छ । त्यसैगरी सो घटनामा परी अझै पनि १६ जना इजिप्टेली घाइते भएका मेना समाचार संस्थाले जनाइएको छ ।
साउदी अरेबियाको स्वास्थ्य मन्त्रालयले मक्का मदिनामा हज गर्ने तीर्थयात्रीमध्ये ज्यान गुमाउनेको सङ्ख्या ७६९ पुगेको बताइएको छ । सो घटनामा परी अझै पनि ९३४ जना घाइते भएका छन् ।
साउदी अरेबियामा हरेक वर्ष विश्वका कम्तीमा पनि २५ लाख मुस्लिमले तीर्थयात्रामा गर्ने गर्दछन् । साउदी अरेबियामा यसै महिनामा ठूलो सङ्ख्यामा तीर्थयात्री मारिएको यो दोस्रो घटना हो । यस हजका क्रममा यसअघिका वर्षहरुमा पनि नागरिकको यसैगरी भागदौडमा मृत्यु हुने गरेको थियो ।
सेप्टेम्बरको सुरु मक्कामा एक मस्जिद परिसरमा भएको क्रेन विस्फोटमा परी १११ व्यक्तिको मृत्यु हुनुको साथै अन्य ३३१ जना घाइते भएका थिए ।
यसैबीच गत हप्ता साउदी अरेबियामा भएको उक्त हजयात्रीबीचको दुर्घटनामा परी मृत्यु हुने इरानी नागरिकको सङ्ख्या ४६४ पुगेको अर्काे एक समाचारमा उल्लेख छ ।
