दमासकस (सिरिया), १२ असोज । सिरियाली सञ्चारमाध्यमले रसियाली राष्ट्रपति भ्लादिमिर पुटिनद्वारा संयुक्त राष्ट्रसङ्घको शिखर सम्मेलनमा अभिव्यक्त वक्तव्यको प्रसंशा गरेका छन् ।
राष्ट्रपति पुटिनले आफ्नो सोमबारको सम्बोधनमा सिरियाली राष्ट्रपति बसार अलअसादको पक्षमा बोल्नुभएको थियो ।
सम्बोधनको क्रममा राष्ट्रपति पुटिनले सम्पूर्ण विश्वले असादलाई समर्थन गरी आतङ्कवाद विरुद्धको लडाईलाई सशक्त बनाउनुपर्ने कुरा भएको बताउनुभएको थियो ।
सम्बोधनले आतङ्कवाद साथ लड्नको लागि एउटा स्पष्ट खाका दिएको र विश्वको ध्यान सिरियामाथि तानेको बताइएको जनाइएका छन् ।
सिरियाबाट प्रकाशन हुने अलबाथ दैनिक, अलश्वाश लगायतका प्रसिद्ध पत्रिकाका साथै अन्य सञ्चारमाध्यममा मङ्गलबार पुटिनको भनाइलाई विशेषस्थान दिएका थिए ।
यसैबीच राष्ट्रपति पुटिन र अमेरिकी राष्ट्रपति बाराक ओबामाले सिरियाका विषयमा न्यूयोर्कमा छलफल गरेका छन् । उनीहरुको सिरियामा द्वन्द्व सुरु भएयता यो नै पहिलो भेट भएकोले यसलई विशेष महत्व दिइएको छ।
सिरियाको विषयलाई लिएर दुई शक्ति राष्ट्रबीच सम्बन्धमा विगत दुई वर्षदेखि केही चिसोपन छाएको थियो ।
