एजेन्सी,३१ भदौ ।
चिलीमा ८.३ रिक्टर स्केलको भूकम्प गएको छ । भूकम्पमा परी कम्तीमा पाँच व्यक्तिको मृत्यु भएको अन्तराष्ट्रिय संचार माध्यमले जनाएका छन ।
भूकम्प कारण सुनामी चेतावनी दिइएको तटीय क्षेत्रबाट १० लाख व्यक्तिलाई सुरक्षित स्थानमा सारिएको त्यहाका अधिकारीले बताएका छन । यस भूकम्पबाट ब्युनस एअर्स, अर्जे्न्टिनामा पनि भवनहरुमा कम्पन महसुस गरिएको जनाइएको छ ।
विश्वमा यस वर्षमा गएको भूकम्प मध्ये पनि चिलीमा गएको यो शक्तिशाली भएको त्यहाँका गृहमन्त्री महमुद एलेयले बताउनु भएको छ । यस भूकम्पबाट पाँच व्यक्तिको मृत्यु भएको १० लाखलाई सुरक्षित स्थानमा सारिएको र २ लाख ४५ हजार घरपरिवार विना विद्युत् लाइन बसेका पनि गृहमन्त्री महमुदले बताउनु भएको छ ।
यस भूकम्पको केन्द्रविन्दु मध्य चोआपा प्रान्तनजिकै नै रहेको पुष्टि भएको छ । अमेरिकी भौगर्भिक सर्वेक्षण संस्थाका अनुसार सो भूकम्प ८.३ रिक्टर स्केलको मापन गरिएको र यस भूकम्पको सान्टीयागोबाट २२८ किलोमिटर उत्तरमा रहेको इलाका बढी प्रभावित भएको जनाइएको छ।
