इजरायलका प्रधानमन्त्री बेन्जामिन नेतन्याहू मस्कोले सिरियालाई दिँदै आएको अत्याधुनिक हतियारका बारेमा छलफल गर्न अर्को हप्ता रसिया जानु हुने भएको छ ।
प्रधानमन्त्री नेतन्याहूले आफ्ना समकक्षी रसियाली प्रधानमन्त्री भ्लादिमिर पुटिनसँग रसियाले सिरियालाई पु¥याउँदै आएको सैन्य सहयोग फिर्ता लिन आग्रह गर्नुहुने बताइएको छ ।
रसियाको सैन्यफौज सिरियामा परिचालन र रसियाद्वारा आपूर्ति गरिँदै आएको अत्याधुनिक हतियार इजरायलको सुरक्षामाथि चुनौती हुने नेतन्याहूले आफ्नो भ्रमणका क्रममा मस्कोसँग राख्ने कार्यक्रम भएको इजरायली प्रधानमन्त्रीको कार्यालयले बुधबार जनाएको छ ।
रसियाले हेजबुल्लाह तथा सिरियाका केही लडाकू सङ्गठनलाई सहयोग गरेको मस्कोमाथि आरोप छ ।
पश्चिमा राष्ट्रहरुले मस्कोले सिरियामा भइरहेको गृहयुद्धका बाबजुद पनि राष्ट्रपति बसार अल असादलाई दिँदै आएको सहयोगलाई लिएर आलोचना गर्दै आएका छन् ।
अमेरिकी अधिकारीहरुले मङ्गलबार एक समारोहमा रसियाले टी¬–९० तथा कैयौं शक्तिशाली तोपलाई लाटकिया नजिकै रहेका सिरियाली हवाई मैदानमा राखेको र यी हतियार सिरियाली प्रधानमन्त्री असाद पक्षधर सैन्यफौजको नियन्त्रणमा रहेको बताएको विभिन्न अन्तर्राष्ट्रिय सञ्चारमाध्यममा आएको थियो ।
गएको केही महिनादेखि रसिया र जेरुसेलमबीच तनाव देखिँदै आएको छ ।
