एजेन्सी,२७ भदौ ।
अफगानी राष्ट्रिय सेनाले देशको विभिन्न भू–भागमा गत २४ घण्टाभित्र जारी राखेको कारबाहीमा परी एकसय जना तालिवान मारिएका छन । सोही समयमा आतंककारीले गरेको छुट्टाछुट्टै आक्रमणमा परी १२ जना सेनााक सदस्यको पनि ज्यान गएको अन्तराष्ट्रिय संचार माध्यमले जनाएका छन ।
यस कारबाहीको क्रममा करिब एकसय तालिवान मारिनुको साथै अन्य ३५ जना घाइते भएका र एक आतङ्ककारी पक्राउ परेको अफगान गृह मन्त्रालयले आज प्रकाशन गरेको विज्ञप्तिमा सो जानकारी दिइएको छ । यस कारबाहीका क्रममा सेनाले सडक किनारमा रहेको बम र बारुदी सुरुङ्गगरी ३० वटा बम निष्क्रिय बनाएको बताइएको छ ।
तालिवान आतङ्ककारी समूहले यस आक्रमणको हालसम्म कुनै टिप्पणी भने नगरेका जनाइएको छ । अफगानिस्तानको सेना र प्रहरीले तालिवान आतङ्ककारीहरुका विरुद्धमा निरन्तर रुपमा कारबाही जारी राखेका छन ।
अफगानिस्तानमा बाँकी रहेका नेटो सैनिकले तालिवानसँग युद्ध नगर्ने तर अफगान सुरक्षाबललाई तालिम र सल्लाह दिने बताइएको छ । नेटो सैनिकले युद्ध समाप्तिको घोषणा गरी अफगानिस्तान छोडेको बताएपनि युद्ध भने रोकिएको छैन
