एजेन्सी २७ भदौ । युरोपका विभिन्न मुलुकमा आप्रवासीको समर्थन र विरोधमा र्याली निकालिएको छ । मध्यपूर्व र अफ्रिकाबाट ठूलो संख्यामा आइरहेका आप्रवासीहरुको व्यवस्थापन गर्ने चुनौती झेलिरहेका बेला युरोपमा दोहोरो प्रदर्शन भएको हो ।
एक पक्षले आप्रवासीहरुका लागि सरकारले अधिक कदम उठाउनुपर्ने माग गरेको छ भने अर्को पक्षले आप्रवासीहरुका कारण मुलुकले ठूलो मूल्य चुकाउनुपर्ने भन्दै चेतावनी दिदैं आएको छ ।
जर्मन शहर म्यूनिखमा हिजो मात्र करिब नौ हजार आप्रवासी भित्रिएको अन्तर्राष्ट्रिय सन्चाल माध्यमहरुले जनाएका छन् । जर्मनीमा यो साता ४० हजार आप्रवासी आइपुग्ने अनुमान गरिएको छ ।
डेनमार्कको राजधानी कोपेनहेगनमा ३० हजार भन्दा बढी प्रदर्शनकारीले आप्रवासीको समर्थनमा र्याली निकालिएको बिबीसीले जनाएको छ । लन्डनमा पनि आप्रवासीको समर्थनमा प्रधानमन्त्री निवाससम्म रयाली निकालेका छन् ।
उता पोल्याण्डमा भने आप्रवासीको विरोधमा र्याली निकालिएको छ । उनीहरुले इस्लाम विरोधी नारासमेत लगाएका थिए । त्यस्तै स्लोभाकिया र चेक गणराज्यमा पनि आप्रवासीको विरोधमा र्याली निकालिएको जनाइएको छ ।
