टर्की, २५ भदौ ।
हवाई आक्रमणमा परी कम्तिमा ६० जना कुर्दिसस्थान वर्कस पार्टी पिकेके सम्बद्ध विद्रोहीको मृत्युभएको इराकको डोगान समाचार समितिले शुक्रबार जनाएको छ ।
प्राप्त जानकारीअनुसार विभिन्न खालका २१ वटा युद्धक विमान प्रयोग गरी बिहीबार रातभर उत्तरी इराकको क्वान्डिलीस्थित हिमाली क्षेत्रमा गरिएको आक्रमणमा कैयौँ घाइतेसमेत बनेका छन् ।
यसैबीच पिकेकेले उक्त क्षेत्रमा गएको शुक्रबार गरेको आक्रमणमा एक नागरिकको मृत्यु हुनुका साथै टर्कीका तीन प्रहरी घाइतेभएका थिए ।
बिहीबार आफ्नो सुरक्षाफौजले गरेको आक्रमणपछि गरेको पत्रकार सम्मेलनमा बोल्दै टर्कीका प्रधानमन्त्री अहमेट दावुटोग्लुले पिकेके विद्रोहीविरुद्ध टर्कीभित्र र बाहिर कार्वाही जारी राख्ने जनाउनुभएको थियो ।
युरोपेली महासङ्घ परिषद्का डोनाल्ड टस्कसँगै गरेको उक्त संयुक्त बैठकमा आफ्नो देश आतङ्कवाद विरोधी अभियानमा लागिपरेको र गएको दुई दिनमा सुरक्षाफौजको कार्वाहीले काफी सफलता प्राप्त गरेको बताउनुभयो ।
टर्कीले पिकेकेलाई आतङ्ककारी संगठन घोषणा गरी उक्त समुह विरुद्ध कार्वाही चलाउँदै आएको छ ।
