जेनेभा , २५ भदौ ।
शुक्रबार सामुहिक टेलिफोन वार्तामा न्यूयोर्कबाट बोल्दै युनिसेफका मध्यपूर्व
तथा उत्तर अफ्रिकाका क्षेत्रीय निर्देशक पिटर सालामाले खास गरी बालबालिकाका लागि सिरिया जिवितहरुको नरक बन्न पुगेकोे बताउनुभएको छ ।
“सिरियाली बालबालिकाको भविष्य उनीहरुबाट खोसिएको छ ।” सिरियाली बालबालिका ठूलो संख्यामा मारिएका,
हजारौँ घाइते भएका र हजारौँ अपहरणमा परेका साथै हजाराँै माथि यौनशोषण भएको उहाँले कुराकानीको क्रममा बताउनुभयो ।
कैयौँ बालबालिकालाई घेराबन्दीमा राखिएको र उनीहरूलाई खानेपानीको अभाव भएको, शिक्षा र स्वास्थ्यबाट
बञ्चित गरिएको समेत उहाँले बताउनुभयो ।
सालमाका अनुसार, करिव २० लाख बालबालिका विद्यालय जानबाट बञ्चित रहेको र पढ्दै गरेकालाई समेत
आवश्यक सेवा छैन ।
यसैगरी, ५० हजार सिरियाली शिक्षक शिक्षिकाले द्वन्द्वका कारण आफ्नो पेशा छोड्न वाध्य पारिएको युनिसेफले जनाएको छ।
