युक्रेनमा सरकारबिरुद्ध भएको आन्दोलनमा एक प्रहरी अधिकृतसहित पाँचजनाको मृत्यु भएको छ । प्रदर्शनकारीहरु राजधानी केभमा रहेको संसद् भवन घेर्न अघि बढेपछि प्रहरीले रोक्न खोज्दा झडप भएको थियोे ।
प्रहरीले प्रदर्शनकारीका तर्फबाट ग्रिनेडसमेत प्रहार भएको जनाएको छ । झडपमा केही प्रहरी घाइते भएका छन् । प्रहरीले भने प्रदर्शनकारीलाई नियन्त्रणमा लिन अश्रु ग्यासमात्र प्रयोग गरिएको जनाएको छ ।
युक्रेनको संसद्मा रुससँग जोडिएका राज्यलाई स्वायत्तता दिने विषयमा बहस चलिरहेको संकेत पाएका प्रदर्शनकारीहरु संसद् भवन प्रवेश गर्न खोजेपछि स्थिति तनावपूर्ण भएको थिया ।
यता रुससमर्थक विद्रोहीको नियन्त्रणमा रहेका दुई राज्य दोनेत्सक र लोहान्सलाई स्वायत्तता दिने विषयमा भएको बहसमा ४५० सांसदमध्ये २६५ सांसदले समर्थन गरेका छन् ।
युक्रेनका राष्ट्रपति पेट्रो पोरोसेन्कोले विरोध प्रदर्शनलाई ‘पिठ्युँमा छुरा हान्ने कार्य’ भएको आरोप लगाएका छन ।
