एजेन्सी,१३ भदौ ।
यमनमा खाद्य संकटको त्रास बढेको जनाइएको छ । गएको वर्षदेखी सुरु भएको चरम हिंसाको चपेटामा परेको यमनमा खाद्य संकटको त्रास बढेको अन्तराष्ट्रिय संचार माध्यमले जनाएका छन ।
राष्ट्रसंघीय निकाय डब्लुएफपीले यमनमा खाद्यान्न सङ्कटको बढ्न सक्ने अनुमान गरेको बिबिसीले जनाएको छ । उक्त निकायले हालैका दिनमा यमनमा विगतका वर्षहरुको तुलनामा निकै ठूलो आर्थिक एवम् खाद्यान्न संकट पर्नसक्ने चेतावनी दिएको जनाइएको छ ।
हुनत दाताहरुले सो देशमा खाद्यान्न एवम् आर्थिक सहयोग पनि हुने गरेको छ । तरपनि द्वन्द्वरत इस्लामिक राज्य यमनका लागि आर्थिक सहयोग तथा खाद्यान्न लिएर पुग्ने गरेका कुनै पनि सङ्घसंस्थालाई प्रवेशमा सहज भने छैन ।
उक्त निकायले पछिल्लो समयमा यसरी खाद्यान्नाको अभावमा पर्ने गरेका नागरिकको तथ्याङ्क लिने काम गरेको र यमनमा झन्डै १ करोड ३० लाख नागरिकले खाद्यान्नको अभाव महसुस गर्न थालेको बताएको छ ।
