युरोपमा सिरीया, लिविया लगायतका मुलुकबाट भागेर जाने आप्रवासीहरुको ठूलो संख्यामा हताहती बढे पछि सयुक्त राष्ट्रसंघले चिन्ता व्यक्त गरेको छ ।
संयुक्त राष्ट्रसंघका महासचिव वान कि मुनले सबैले एकतावद्ध भएर आप्रवासी शरणार्थीहरुको हताहती रोक्नु पर्ने र उनीहरुलाई सुरक्षित गर्नु पर्ने बताउनु भएको छ ।
धेरै जसो आप्रवासीहरुको भूमध्य सागर पार गर्दा डुगा दुर्घटनामा मृत्यु हुने गरेको छ ।
महासचिव मुनले सबैले एकतावद्ध भएर आप्रवाशी शरणार्थीहरुलाई युरोपेली देशहरुले फिर्ता पठाउन थाले पछि उनीहरुलाई अन्तराष्ट्रिय कानुन भन्दा पनि मानवीयताको नाताले पनि सुरक्षा गर्नु पर्ने बताउनु भएको छ ।
उहाले संकटमा एकतावद्ध भएर सामुहिक राजनीतिक उत्तरदायीत्य देखाउनु पर्ने पनि सुझाव दिनु भएको छ ।
लिविया र सिरीया लगायतका मुलुकमा आन्तरीक द्धन्द बढे पछि असुरक्षाका कारण लाखौ नागरिकहरु भूमध्य सागर हुदै युरोपतिर प्रवेश गर्ने क्रम तीव्र भए पछि युरोपेली मुलुकहरु जर्मन, फ्रान्स लगायतकाले कडाई गर्न थालेका छन् ।
