एजेन्सी साउन १५ ।
दुई दिन अघि मात्रै पञ्जावमा आतंकवादी हमला पछि भारतीय अदालत रातारात खोलेर याकुव मेननलाई फासी दिइए पछि त्यसको समर्थन र विरोध दुवै भईरहेको बेला अन्डरवल्र्ड दाउद ईब्राहिमका चेला शाकिलले यस फासी कानुनी हत्या भएकाले त्यसको परिणाम भारतले भोग्नु पर्ने चेतावनी दिएका छन् ।
विहिबार बिहानै फासी दिईएका याकुवलाई सन् १९९३ को मुम्वई हमलाका लागि जिम्मेवार ठहऱ्याईएको थियो ।
तर शाकिलले यसको लागि जिम्मेवार याकुवका भाई टाईगर रहेको भन्दै निदोर्ष मान्छेलाई फासी दिईएको दावी गरेका छन् ।
एउटा अग्रेजी अखबारमा प्रतिकृया दिदै शाकिलले त्यस्तो चेतावनी दिएको भारतीय सञ्चार माध्यमहरुमा खबर छ ।
भारतको यो कदम धोका भएको र यसबाट अब दाउद ईब्राहिम सहित कोही पनि भारतमा आत्मसमर्पण गरेर आउने संभावना कम भएको शाकिलले बताएका छन् ।
यद्यपि याकुव मेमनको दाउदसग‘ कुनै सम्बन्ध भने नरहेको बताईएको थियो ।
राति ढेड बजे न्यायधीश बोलाएर फैसला गराउने यो कस्तो न्याय हो ? शाकिलले प्रश्न गरेका छन् ।
पाकिस्तानी नागरिक याकुव चार्टर एकाउन्टेट रहेका थिए । उनले आफू निर्दोष रहेको बताउदै आएका थिए ।
