काठमाडौं, १२ साउन ।
इटालियन क्लब विरुद्धको मैत्रीपूर्ण फुटबल खेलमा स्पेनिस क्लब रियल मड्रिड विजयी भएको छ ।
सोमबार बेलुका चीनको ग्वानझाओमा भएको मैत्रीपूर्ण फुटबलमा सिरी ए क्लब इन्टर मिलानलाई पराजित गर्दै रियल मड्रिडले ३–० ले विजयी भएको हो ।
खेल जिताउने क्रममा जेसे रोड्रिगेजले २९ औं मिनेटमा गरेको गोलबाट रियलले सुरुवाती अग्रता लिएको थियो ।
रियलको अग्रता दोब्बर पार्ने क्रममा ५६ औं मिनेटमा राफेल भरानले गोल गरे । यस्तै गर्दा ८८ औं मिनेटमा जेम्स रोड्रिगेजले फ्रि किकमार्फत अर्को गोल गरेपछि रियलले ३–० को जित हात पारेको हो ।
युरोपियन फुटबलको नयाँ सिजन सुरुहुनु अघि अहिले मैत्रीपूर्ण खेलहरु भैरहेका छन् । स्पेनिस ला लिगा र इटालियन सिरी ए दुवै खेल अबको एक महिनापछि सुरु हुनेछ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
