एजेन्सी ११ साउन ।
भारतको पञ्जाव राज्यको गुरुदासपुर जिल्ला स्थित दिनानगर प्रहरी चौकीमा जारी आतंककारी हमलामा ८ जना मारिएका छन् ।
बिहान करिब साँढे ५ बजे देखि जारी भिडन्तमा मारिनेमध्ये दुई जना प्रहरी जवान पनि रहेको भारतीय सन्चार मध्यामले जनाएको छ ।
हतियारधारीले समुहले सुरुमा एउटा बसमा आक्रमण गरेका थिए भने लगत्तै प्रहरी चौकीमा आक्रमण गरेका हुन् । उक्त क्षेत्रमा अहिले दोहोरो भिडन्त जारी रहेको बताइएको छ ।
हमलामा थुपै्र मानिस घाइते भएका छन् । सुरक्षा कारवाही जारी रहेकाले घाइते र मृतकको यकिन विवरण आउन बाँकी रहेको बताइएको छ । हतियारधारीहरु कति संख्यामा छन् र उनीहरुसँग के–कति हतियार छ भन्ने प्रष्ट हुन नसकेको सुरक्षा अधिकारीहरुको भनाई छ ।
भारतका केन्द्रीय गृहमन्त्री राजनाथ सिंहले पञ्जावका मूख्यमन्त्री र बोर्डर सेक्यूरिटी फोर्सका महानिर्देशकसँग घटनाबारे जानकारी लिनुका साथै भीडन्तस्थलमा थप सुरक्षाकर्मी पठाइएको बताउनु भएको छ ।
