काठमाडौं, ७ साउन ।
हिजो राती गएको पराकम्पको केन्द्रबिन्दू काठमाण्डूको भृकुटीमण्डप भएको राष्ट्रिय भूकम्प मापन केन्द्रले जनाएको छ ।
भूकम्पको केन्दबिन्दु सिन्धुपाल्चोकको सट्टा काठमाडौँमै देखिएपछि भूकम्प मापन केन्द्रले आफ्नो वेभसाइटमा सूचना निकाल्दै माफी समेत मागेको छ ।
केन्द्रका प्रमुख लोकविजय अधिकारीका अनुसार केन्द्रीय मापन केन्द्रमा आएको खराबीका कारण पराकम्पको केन्द्रबिन्दू पहिचानमा समस्या भएको हो । क्षेत्रीय मापन केन्द्रबाट मापन गर्दा दूरी फरक पर्न गएको उहाँले बताउनुभयो ।
हिजो राती १० बजेर १४ मिनेट जाँदा काठमाडौं भृकुटीमण्डप केन्द्रबिन्दु भएर ४ दशमलव ६ रेक्टर स्केलको पराकम्प गएको हो । धेरैपछि शक्तिशाली पराकम्प गएकाले काठमाडौंका बासिन्दा केहीबेर घर बाहिर निस्केका थिए ।
फेरि पनि पराकम्प आउन सक्ने भएकाले नआत्तिन तर सचेत हुन केन्द्रले आग्रह गरेको छ ।
