असार २० काठमाण्डौं ।
सञ्चार उद्यमि एवं नेपाल उद्योग वाणिज्य महासंघका अध्यक्ष पदका दावेदार भाष्कर राज राजकर्णिकारले यस पटक एकाएक उम्मेद्धारी फिर्ता लिए पछि त्यसको कारण के हो भनेर व्यापक चर्चा शुरु भएको छ ।
साथै उनीसगै उम्मेद्धार बनेकी भवानी राणाले पनि उम्मेद्धारी फिर्ता लिनु भएको थियो ।
उम्मेद्धारी फिर्ता लिने क्रममा हात समातेर उभिने क्रममा पशुपति मुरारको छेउमा रहेका भाष्कर त्यति खुसी भने देखिदैन थिए ।
पहिला प्रदीप जंग पाण्डे विरुद्ध चुनावी मैदानमा उत्रिएका बेला झिनो मतले पराजीत भएका भाष्कर यो पटक चुनावमा गएको भए जीतको संभावना थियो भन्नेहरु धेरै छन् ।
खासगरी मोफसलहरुमा उनको मत बलियो रहेको तर्क गरिएको थियो । तर एकाएक उनको उम्मेद्धारी फिर्ता हुनुलाई उनका समर्थकहरुले रहस्यमय रुपमा हेरेका छन् ।
मुरारकाले भाष्करलाई कसरी फकाउन सफल भए ? या कुनै दवाव या प्रलोभनले काम गरेको हो भनेर केही उद्योग वाणिज्य संघका जिल्ला अध्यक्षहरुले चासो राखेका छन् ।
