एजेन्सी । भारतका अर्बपति व्यापारी गौतम अडानी बिरुद्ध अमेरीकामा धोकाधडीको मुद्धा दायर भएको छ । उनले आफ्नो एउटा कम्पनीलाई ठेक्का दिलाउन २५ करोड अमेरीकी डलर घुस दिएको र यसलाई लुकाउने प्रयास गरेको अभियोग लागेको छ ।
बुधबार न्यूयोर्कमा ६२ बर्षे अर्बपति व्यापारीमाथि यो आपराधीक मामिला दर्ता भएको हो ।
अडानीको व्यापारीक साम्राज्य भित्र बन्दरगाह, हवाई अड्डादेखि उर्जा क्षेत्र सम्म फैलिएको छ ।
अडानी र उनको कम्पनीका अन्य वरिष्ठ अधिकारीहरुले आफ्नो कम्पनी रिन्युएल एनर्जीलाई ठेक्का हात पार्न भारतीय अधिकारीहरुलाई भुक्तानी गर्ने सहमति गरेको दाबी अभियोगमा लगाईएको छ ।
यो परियोजना हात पार्दा अडानीलाई २० बर्षमा दुई अर्ब डलर भन्दा बढी रकम मुनाफा हुने अनुमान गरिएको थियो ।
यस विषयमा अडानीले सञ्चार माध्यमलाई कुनै प्रतिकृया दिएका छैनन् ।
२०२३ मा पनि हिंडनबर्ग कम्पनीले अडानीलाई धोकाधडीको आरोप लगाएको थियो ।
अडानीका प्रवन्धकले कर्जा र बन्डस् मार्फत ३ अर्ब डलर रकम जुटाएका थिए । यसमा केही धन अमेरीकी फर्महरुबाट पनि संकलन गरिएको थियो । यो पैसा घुस विरोधी नीति बिरुद्ध र भ्रम फैलाएर उठाईएको आरोप छ ।
