काठमाडौं, २० असार । ऋणदाताले राखेका सर्त मान्ने या नमान्ने भन्ने विषयमा फैसला गर्न ग्रीसमा आज जनमत संग्रह हुदैछ ।
गम्भिर आर्थिक संकटमा फसेको ग्रीस दाताहरुको ऋण तिर्न नसक्दा टाट पल्टने अवस्थामा पुगेको छ ।
ग्रीसका अर्थमन्त्रीले भने ऋणदाताहरुले जनतामा आतंक फैलाएको भन्दै आलोचना गरेका छन् ।
यसअघि प्रधानमन्त्री एलेक्सिस सिप्रासले पनि जनमत संग्रहमा अन्तर्राष्ट्रिय ऋणदाताले गरिरहेको ब्ल्याकमेललाई अस्विकार गर्न आम जनतालाई अपील गर्नु भएको थियो ।
ऋणदाताको शर्त अस्विकार गर्दैमा यूरोपेली संघबाट आफ्नो सदस्यता कसैले खोस्न नसक्ने प्रधानमन्त्री सिप्रासको दाबी छ ।
यता यूरोपेली संघका नेताहरुले भने शर्त नस्वीकारेका ग्रीस यूरोजोनबाट बाहिरिनुपर्ने चेतावनी दिइरहेका छन् ।
दाताको शर्त नस्वीकारेको खण्डमा ग्रीसको स्थिति झनै कमजोर बन्ने यूरोपीयन संघका अध्यक्ष ज्या क्लाँड युंकरले बताउनु भएको छ ।
अन्तराष्ट्रिय मुद्रा कोषको डेढ अर्बभन्दा बढी डलर तिर्न गत जुन ३० सम्मको समयसीमा पाएको ग्रीस ऋण तिर्न नसकेपछि खराबी ऋणीहरुको सूचीमा परिसकेको छ ।
