काठमडौं, १७ असार ।
दोस्रो ट्वेन्टी–ट्वेन्टी अन्तराष्ट्रिय क्रिकेट खेलमा पनि नेपालको लज्जास्पद हार भएको छ । बुधबार राति भएको खेलमा नेदरल्याण्डले नेपालमाथि १ सय ३ रनको सानदार जित आत पा¥यो ।
नेरदल्याण्डले प्रस्तुत गरेको १ सय ७३ रनको लक्ष्य पछ्याएको नेपालले १७ दशमलव ४ ओभरमा सबै १० विकेट गुमाउँदै मात्रै ६९ रन बनाउन सक्यो ।
नेपालका लागि सरद भेषवाकरले १८, सोमपाल कामीले १४ तथा ज्ञानेन्द्र मल्लले १२ रन बनाउनु बाहेक अन्य ब्याट्सम्यानले दोहोरो अंकमा रन जोड्न सकेनन् । राजेश पुलामी मगर र प्रदीप ऐरीले रनको खातानै खोल्न नसकि आउट भए ।
नेपाललाई सस्तैमा समेट्ने क्रममा नेदरल्याण्डका माइकल रिप्पोनले तीन तथा थिज भान साल्भेन र पल भान मिकेरेनले समान दुई दुई विकेट लिए ।
यसअघि पहिले ब्याटिङ गरेको नेदरल्याण्डले निर्धारित २० ओभरमा मात्रै ४ विकेटको क्षतिमा १ सय ७२ रन बनायो । नेदरल्याण्डका माइकल स्वर्टले नटआउट ७६ तथा बेन कुपरले ६६ रन बनाए ।
नेपालका सोमपाल कामीले दुई तथा करण केसी र अविनाश कर्णले एक एक विकेट लिए । मंगलबार भएको पहिलो खेलमा पनि नेपाल १८ रनले पराजित भएको थियो । नेपालले नेदरल्याण्डसँग चार वटा ट्वेन्टी–ट्वेन्टी खेल खेल्नेछ ।
तेस्रो खेल बिहीबार नेपाली समय अनुसार बेलुका पौने ९ बजे हुनेछ ।
