एजेन्सी जेष्ठ १६ ।
अमेरीकाले दक्षिणी चीन सागरको विवादीत क्षेत्रका मामलामा अन्तराष्ट्रिय नियम विपरीत कदम चालेको आरोप लगाएको छ ।
अमेरीकाले बोलाएको आकमिक समस्या समाधानको बैठकमा अमेरीकी रक्षा सचिव एस्टन कार्टरले चीनले चालेका कदमहरु अन्तराष्ट्रिय नियम विपरीत भएको बताउनु भयो ।
सिंगापुरमा साग्रीला डाईलग मा उहाले विवादीत टापुका विषयमा शान्तिपूर्ण समाधान होस् भन्ने आफूहरुले चाहेको बताउनु भयो ।
तर चीनीया अधिकारीहरुले साउथ चाईना सि को मामलामा उठाएका तर्कहरु धरातलीय यथार्थता भन्दा बाहिर र अरचनात्मक भएको बताएका छन् ।
अमेरीका सहित एशिया प्यासीफीक राष्ट्रहरुका रक्षा मन्त्रीहरुको बैठकमा त्यस्तो छलफल भएको थियो ।
जापान सहित केही देशका रक्षा मन्त्रीहरुले चीनले गैरकानुनी रुपमा समग्र दक्षिणी चीनीया समुन्द्रमाथि नियन्त्रण गरेको आरोप लगाएका थिए ।
अमेरीकाले केही दिन अघि विवादीत टापुमा एयरक्रयाफ्टहरु उडान गरे पछि चीनले विरोध जनाएको थियो ।
