ऐजेन्सी जेष्ठ १४ ।
साउदी अरबले नेतृत्व गरेको गठबन्धन सेनाले गरेको हवाई आक्रमणमा यमनको राजधानी सनामा ३६ जनाको मृत्यु भएको छ भने एक सय भन्दा धेरै घाईते भएका छन् भने साउदी र यमनको सिमानामा भएको आक्रमणमा ४० जना मारिएको खबर छ ।
मारिने मध्य धेरै जसो सर्वसाधारण भएको अनुमान गरिएको छ ।
सानामा हतियार राखेको गोदाम भनेर आक्रमण गरे पनि मारिनेहरु को हुन भनेर एकिन भएको छैन ।
साउदी नेतृत्वको आक्रमणमा धेरै सर्वसाधारणको मृत्यु भएकोमा विरोध हुदै आएको छ ।
साउदी सिमाना हज्जाजमा भएको गोलाबारी पछि साउदी अरबले यमनी सुरक्षाफौजको मुख्यालयमा समेत हवाई आक्रमण गरेको छ । जसमा केही सेना र सर्वसाधारण मारिएको यमनी सेना स्रोतले जनाएको छ ।
साउदी अरबको आक्रमणमा कारण यमनमा धेरै अस्पतालहरु समेत बन्द रहेका छन् । जसले गर्दा ७५ लाख भन्दा बढी मानिस स्वास्थ्य समस्यामा परेका छन् ।
