बैशाख २५ एजेन्सी । भारतीय प्रधानमन्त्री नरेन्द्र मोदीले पहिलो पटक आज माओवादी प्रभावित छत्तीसगढमा पुगेर दंतेवाडामा हुने आम सभालाई सवोधन गर्दै हुनुहुन्छ ।
मोदीको यस भ्रमणको लागि २० हजार भन्दा धेरै सुरक्षाफौज तैनाथ गरिएको छ ।
भारतीय ईतिहासमा कुनै पनि प्रधानमन्त्रीको आन्तरीक भ्रमणमा यत्रो सुरक्षाकर्मी परिचालन गरिएको यो पहिलो घटना भएको भारतीय सञ्चारमाध्यमहरुले जनाएका छन् ।
संभावित माओवादीको विरोध र आक्रमणको भयले यत्रो सुरक्षा प्रवन्ध गरेको उच्च अधिकारीहरुको तर्क छ । यस अघि यो भ्रमण घोषणा भए पछि भारतीय माओवादीले विरोध गरेको थियो ।
उता रायपुरमा हुने भनिएको सभा भने हावाहुरीले मोदीले सवोधन गर्ने मञ्च नै भत्किएर दर्जनौ सुरक्षाकर्मी सहित घाईते भए पछि स्थगित गरिएको छ ।
आम सभापूर्व हिजो नै हावाहुरीले रायपुरमा मञ्च भत्काउदा ३७ सुरक्षाकर्मी र सर्वसाधारण गरी ४२ जना घाईते भएका थिए ।
