बैशाख २५ एजेन्सी । बेलायतमा चुनावी परिणाम सार्वजनिक भएको केही घण्टा पछि नै सत्तारुढ कन्जरभेटिभ पार्टीले तीन जना मन्त्री नियुक्त गरेको छ ।
प्रधानमन्त्रीमा डेविड क्यामरुन निरन्तर रहनु भएको छ भने उहाले तीन मन्त्री मध्य जर्ज ओस्बर्नलाई अर्थमन्त्रीको जिम्मा दिनु भएको छ । साथै जर्ज प्रधानमन्त्रीका सहायक पनि बन्नु हुने छ । त्यसै गरी थेरेसा मे गृहमन्त्री र फिलिप हेमण्ड विदेश मन्त्रीमा नियुक्त हुनु भएको छ ।
सो अवसरमा प्रधानमन्त्री डेविड क्यामरुनले आफ्नो पार्टीले चुनावमा व्यक्त गरेका प्रतिवद्धताहरु पुरा गर्ने विस्वास दिलाउनु भयो ।
यसमा युरोपेली संघ, स्कटल्याण्डको अधिकार आदि धेरै विषयहरुमा कन्जरभेटिभको प्रतिवद्धता रहेको छ ।
यसैबीच चुनावमा पराजीत भए पछि विपक्षी लेवर पार्टीका नेता एड मिलिव्याण्ड सहित अन्य साना दलका नेताहरुले पनि पदबाट राजीनामा दिएका छन् । यो चुनावमा कन्जरभेटिभले ३ सय ३१ मतका साथ स्पष्ट बहुमत हासिल गरेको छ भने लेवर पार्टी खुम्चिएर २ सय ३२ सिटमा सीमित भएको छ ।
