भीमफेदीमा सुमो दुर्घटना: तीन जनाको मृत्यु

भीमफेदीमा सुमो दुर्घटना: तीन जनाको मृत्यु

  • बिहिबार, मंसिर ३, २०८३
  • मिर्मिरे अनलाइन

  • 285
    SHARES

काठमाडौँ । मकवानपुरको भीमफेदी गाउँपालिका–१ स्थित भैंसे बजार नजिकै आज बिहान ना १ ज २१४३ नम्बरको सुमो दुर्घटना हुँदा तीन जनाको मृत्यु भएको छ भने सात जना घाइते भएका छन्।

हेटौँडाबाट काठमाडौँतर्फ आउँदै गरेको उक्त सुमो बिहान साढे ८ बजेतिर त्रिभुवन राजपथबाट नियन्त्रण गुमाई राप्ती खोलामा खसेको हो। दुर्घटनाका घाइतेहरूलाई तत्काल हेटौँडा अस्पताल पुर्‍याइएकोमा चिकित्सकले तीन जनालाई मृत घोषणा गरेको प्रहरी नायव उपरीक्षक माधव काफ्लेले जानकारी दिए।

मृतकहरूमा दुई महिला र एक पुरुष रहेका छन्। उनीहरूको पहिचान खुल्न बाँकी छ। अस्पतालमा उपचाररत अन्य सात जना घाइतेको अवस्था मध्यम रहेको डीएसपी काफ्लेले बताए। दुर्घटनाको थप विवरण आउन बाँकी रहेको छ।

यसअघि गत कात्तिक २६ गते पनि भीमफेदी गाउँपालिका–६ स्थित चिसापानी गढीमा काठमाडौँबाट सर्लाहीतर्फ जाँदै गरेको माइक्रोबस सडकबाट करिब ७०० मिटर तल खस्दा १४ जनाको मृत्यु भएको थियो भने ६ जना घाइते भएका थिए।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
धेरै पढिएको
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ