गोरखा, कार्तिक २९ — गोरखाको धार्चे गाउँपालिका–१ यारू पुल नजिकै बगरमा भीषण सुक्खा पहिरो गएको छ। आज (शनिबार) बिहान करिब ९ बजे अचानक पहिरो खसेको हो।
पहिरो गएको क्षेत्रमा पैदल तथा सवारी बाटो पूर्ण रूपमा बन्द भएका कारण कुनै पनि मानवीय तथा भौतिक क्षति हुन नपाएको गोरखाका सहायक प्रमुख जिल्ला अधिकारी नेत्रप्रकाश शर्माले जानकारी दिएका छन्।
घटनाको खबर प्राप्त हुनासाथ पहिरोबारे थप विस्तृत विवरण लिन प्रहरी टोली तत्काल घटनास्थलतर्फ परिचालन गरिएको जिल्ला प्रशासन कार्यालयले जनाएको छ।
यता, गाउँपालिका अध्यक्ष लक्ष्मण गुरुङका अनुसार पहिरो खस्दा केही छिटपुट ढुंगा र माटो बुढीगण्डकी नदीमा पुगे पनि नदी पूर्ण वा आंशिक रूपमा थुनिने कुनै पनि खतरा नरहेको बताएका छन्। स्थानीय प्रशासन र गाउँपालिकाले स्थितिमाथि नजिकबाट निगरानी राखेका छन्।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
