असाेज, ३० काठमाडाैं । यस वर्षकाे बडा दशैं मनाउन लाखाैं मानिसले काठमाडाैं उपत्यका छाडेका छन् । शुक्रबार बिहान धेरै भन्दा धेरैले उपत्यका छाडेका उपत्यका ट्राफिक कार्यालयले जनाएकाे छ ।
मुख्य नाकाहरू नागढुंगा, फर्पिङ, चापागाउँ, साँगा, बालाजु, टाेखाबाट मानिसहरू निजी र सार्वजनिक सवारीसाधनमार्फत शहर छाडेका हुन् ।
बिहानीपख उपत्यकाबाहिर जाने भएका कारण ७ बजेसम्म ट्राफिक व्यवस्थापनमा कठिनाई आएकाे कार्यालयले जनाएकाे छ । उपत्यका छाडेर घर जानेहरू एकै समयमा सडकमा निस्किएका कारण सडक जाम भएकाे र अहिले सहज भइसकेकाे बताएकाे छ । यात्रुलाई गन्तव्य लैजाने बसहरूले पाहुना घर’स्टिकर टाँसेकाे देखिन्छ ।
हरेक वर्ष दशैंमा चाड मनाउन, आफन्त, परिवारका सदस्यसँग भेटघाट गर्न तथा ठूलाबडाबाट जमरा टीका र आशीर्वाद ग्रहण गर्न शहरबाट घर जानेहरूकाे लर्काे नै लाग्छ । जडिबुटीस्थित पूर् अरनिकाे बसपार्क यात्रुले खचाखच देखिन्थ्याे । त्यहाँ पुगेका सबै जना हतारमा तर उमंगित देखिन्थे । याे पटक १५ लाख मानिसले उपत्यकाबाट बाहिरिने अनुमान गरिएकाे छ । आज बिहान काेटेश्वर र जडिबुटी क्षेत्रमा देखिएका लर्काे र ट्राफिक जाम तस्बिरमा हेर्न सकिन्छ ।
