काठमाडौँ, ९ असोजः जापानको इची–नागोयामा जारी २०औँ एसियाली खेलकुद प्रतियोगिताअन्तर्गत पुरुष क्रिकेटमा अफगानिस्तानले नेपाललाई जितका लागि १०३ रनको लक्ष्य दिएको छ ।

जापानको आइचीस्थित निशिनमा रहेको कोरोगी स्पोट्र्स पार्कमा जारी खेलमा टस जितेर पहिले ब्याटिङ रोजेको अफगानिस्तानले निर्धारित २० ओभरमा ७ विकेट गुमाएर १०२ रनको योगफल बनाएको हो । अफगानिस्तानका लागि फेसल खान अहमदजाईले ३० रन बनाए । त्यस्तै नजिबुल्लाह जाद्रानले ३० रन तथा नङ्गेलिया खानले अविजित १७ रनको योगदान दिए ।

बलिङतर्फ नेपालका लागि कुशल भुर्तेलले चार तथा ललितनारायण राजवंशीले तीन विकेट लिए । समूह ‘ए’ मा रहेको नेपालको यो पहिलो खेल हो । अफगानिस्तानको भने दोस्रो खेल हो । पहिलो खेलमा अफगानिस्तानले जापानलाई ४८ रनले पराजित गरेको थियो । नेपाल अहिले जवाफी ब्याटिङमा उत्रेको छ ।

एनपीएल: लुम्बिनी शीर्ष स्थानमा,पोखराको लगातार तेस्रो हार

एनपिएल क्रिकेटमा विराटनगरको जित

एनपिएलः चितवन राइनोजविरुद्ध सुदूरपश्चिम रोयल्सको जित

एनपिएल ३ः आज काठमाडौं र कर्णाली तथा सुदूरपश्चिम र चितवन भिड्दै

पोखरालाई ९ रनले हराउँदै जनकपुरको लगातार दोस्रो जित

एनपीएलमा आज जनकपुर र पोखरा भिड्दै: जनकपुर लय दोहोऱ्याउने दाउमा, पोखरा पहिलो जितको खोजीमा