८ असोज, २०८३ (२४ सेप्टेम्बर, २०२६)
काठमाडौँ। नेकपा (एमाले) ले पूर्वराष्ट्रपति विद्यादेवी भण्डारीलाई पार्टीको वरिष्ठ नेता बनाउने निर्णय गरेको छ। बिहीबार बसेको पार्टी सचिवालय बैठकले भण्डारीलाई वरिष्ठ नेताको जिम्मेवारी दिने निर्णय गरेको हो। सचिवालयको यो निर्णयलाई अब बस्ने केन्द्रीय कमिटी बैठकले औपचारिक रूपमा अनुमोदन गर्नेछ।
राष्ट्रपति पदको कार्यकाल सकिएपछि भण्डारीले पुनः पार्टीको सक्रिय राजनीतिमा फर्कने इच्छा व्यक्त गर्नुभएको थियो। यद्यपि, पूर्वराष्ट्रपति भइसकेको व्यक्ति पार्टी राजनीतिमा आउन नहुने तर्क र आन्तरिक शक्ति सन्तुलनका कारण एमालेले यसअघि उहाँको सदस्यता नवीकरण रोकेको थियो। गत फागुनको उपनिर्वाचनको समीक्षापछि जेठमा सदस्यता खुलाउने निर्णय गरेको एमालेले पछिल्लो आन्तरिक राजनीतिक शक्ति सन्तुलन मिलाउन भण्डारीलाई वरिष्ठ नेताका रूपमा भित्र्याउन तयार भएको हो।
एमालेको ११ औँ महाधिवेशनअघि नै नेतृत्व तहमा सक्रिय हुने योजना बनाउनुभएकी पूर्वउपाध्यक्ष भण्डारीका लागि सचिवालयको यो निर्णयले पार्टी राजनीतिमा पुनरागमन गर्ने बाटो पूर्ण रूपमा खोलेको छ।
