असार ३१, काठमाडाैं । दाेस्राे हाफकाे ८० ओैं मिनेटसम्म एक गोलले पछि परेको अर्जेन्टिनाले अन्तिम समयमा दुई गोल गर्दै जारी फिफा विश्वकप – २०२६ काे फाइनलमा प्रवेश गरेकाे छ ।
अर्जेन्टिनाका लागि एन्जो फर्नान्डेज र लाउटारो मार्टिनेजले गोल गरे । दुवै गाेल क्याप्टेन लियाेनल मेसीकाे पासमा भएकाे हाे । खेल निकै राेचक रह्याे ।
खेलको ५५औं मिनेटमा इंग्ल्यान्डका एन्थोनी गोर्डनले गोल गर्दै टाेलीलाई अग्रता दिएपनि साविक विश्व विजेता अर्जेन्टिनासँग टिक्न सकेन । अन्ततः २-१ गाेल अन्तरले इंग्ल्यान्ड हार्न पुग्याे । अब इंग्ल्यान्डले तेस्राे स्थानका लागि फ्रान्ससँग भिड्नेछ भने अर्जेन्टिना फाइनलमा स्पेनसँग भिड्नेछ ।
मेसीले हालसम्म विश्वकपमा सर्वाधिक ३३ खेल खेल्दै २१ गोल र ११ असिस्टको नयाँ कीर्तिमान कायम गरेका छन् । याेसँगै उनी गाेल्डेन बुटका दाबेदार बनेका छन् ।
यस्तै ३९ वर्षीय मेसीले उनले विश्वकपमा लगातार ९ खेलमा गोल गर्ने र नकआउट चरणमा लगातार ६ खेलमा गोल गर्ने कीर्तिमान पनि बनाएका छन् ।
