काठमाडौँ उपत्यकाका बागमती र सहायक नदी किनारका अवैध संरचना भत्काएपछि सोमबारसम्म जम्मा १ हजार ८१६ सुकुमबासी परिवार सरकारको सम्पर्कमा पुगेका छन्। प्रधानमन्त्री बालेन्द्र शाह (बालेन)को सचिवालयका अनुसार ती परिवारका कूल ७ हजार ७८९ जना नागरिकले आफूलाई सुकुम्बासी दाबी गर्दै सम्पर्कमा आएका हुन्।
सम्पर्कमा आएकामध्ये ७९४ जनालाई सरकारद्वारा व्यवस्थित होल्डिङ सेन्टरहरूमा स्थानान्तरण गरिएको छ। दशरथ रंगशालास्थित स्क्रिनिङ सेन्टरमा आएका बाँकी व्यक्तिहरूले भने हालका लागि आफ्नै पहलमा आवासको व्यवस्था गर्ने भन्दै बाहिरिएको सचिवालयले जनाएको छ।
सरकारले सुकुमबासीको व्यवस्थापनका लागि कीर्तिपुरस्थित राधास्वामी सत्संघ भवन, नयाँ बसपार्क र माछापोखरी क्षेत्रका होटलहरू, भक्तपुरस्थित नेपाल विद्युत प्राधिकरणको तालिम केन्द्र र बोडेस्थित कृषि तालिम केन्द्रमा होल्डिङ सेन्टर सञ्चालन गर्दै आएको छ।
